siac pre training exam: ‘एसआयएसी’च्या प्रशिक्षण पूर्व परीक्षेत गोंधळ – upsc chaos in siac pre training exam


हायलाइट्स:

  • ‘एसआयएसी’च्या प्रशिक्षण पूर्व परीक्षेत गोंधळ
  • ऑनलाइन सीईटी परीक्षेत तांत्रिक अडचणी
  • शनिवारी झालेली ऑनलाइन पद्धतीने परीक्षा रद्द करून पुन्हा घेण्यात यावी

म. टा. प्रतिनिधी, पुणे

राज्य प्रशासकीय व्यवसाय शिक्षण संस्थेच्या (एसआयएसी) वतीने केंद्रीय लोकसेवा आयोगाच्या (यूपीएससी) नागरी सेवा परीक्षा २०२१ च्या पूर्व प्रशिक्षणासाठी घेण्यात आलेल्या ऑनलाइन सीईटी परीक्षेत तांत्रिक अडचणी निर्माण झाल्यामुळे विद्यार्थ्यांना परीक्षा देता आली नाही. या परीक्षेत गैरप्रकार झाल्याची तक्रार परीक्षार्थ्यांनी केली असून, परीक्षा घेण्यासाठीचे कंत्राट खासगी आयटी कंपनी दिल्याने हा गोंधळ व गैरप्रकार झाल्याचा आरोप केला आहे.

‘यूपीएससी’च्या नागरी सेवा परीक्षेत उत्तीर्ण होणाऱ्या राज्यातील विद्यार्थ्यांचे प्रमाण वाढावे, यासाठी ‘एसआयएसी’च्या मुंबई, नागपूर, अमरावती, औरंगाबाद, नाशिक व कोल्हापूर केंद्रातून ५४० विद्यार्थ्यांना हे प्रशिक्षण दिले जाते. त्याच्या निवडीसाठीची सीईटी परीक्षा शनिवारी ऑनलाइन पद्धतीने झाली. ही परीक्षा सकाळी अकरा ते दुपारी एक वाजेपर्यंत होती. मात्र, सततच्या तांत्रिक अडचणीमुळे परीक्षेला विलंब झाला आणि त्यानंतर दोन सत्रांमध्ये ही परीक्षा होईल, असा मेसेज उमेदवारांना मिळाला. मात्र, तरीदेखील लॉगइन/लॉगआउट, परीक्षा अर्ध्यातच बंद पडणे, सातत्याने ‘एरर’ येणे अशा तांत्रिक अडचणी उद्भवल्या, अशी तक्रार परीक्षार्थ्यांनी केली.

परीक्षेसाठी साइट चालू झाली, पण कॅमेऱ्यासाठी परवानगी मागितल्यावर पुन्हा तांत्रिक अडचण निर्माण झाल्यावर ‘एरर’चा मेसेज दाखविण्यात आला. सतत तांत्रिक अडचणी आल्याने उमेदवारांना परीक्षेपासून मुकावे लागले. त्यानंतर पावणेतीन वाजता साइट चालू केल्यावर परत प्रक्रिया सुरू होऊन, परीक्षा सुरू झाली. मात्र, कॅमेरा चालू झाला नाही आणि ‘एरर’चा मेसेज दाखविण्यात आला. या सर्व तांत्रिक अडचणींमुळे अनेक उमेदवारांना ऑनलाइन परीक्षेला मुकावे लागले. त्यामुळे शनिवारी झालेली ऑनलाइन पद्धतीने परीक्षा रद्द करून पुन्हा घेण्यात यावी, अशी मागणी विद्यार्थ्यांनी केली.

स्टाफ सिलेक्शन कमिशनच्या परीक्षांच्या तारखांमध्ये बदल

SSC Stenographer Result: एसएससी स्टेनोग्राफर ग्रुप सी, डी निकाल जाहीर

परीक्षेत गैरप्रकाराचा आरोप

‘एसआयएसी’ची ऑनलाइन सीईटी परीक्षा विद्यार्थ्यांनी घरून दिली. अनेकांचा कॅमेरा सुरू नव्हता. त्यामुळे या परीक्षेत सामूहिक कॉपी झाली असून, उमेदवारांनी मित्रांच्या मदतीने उत्तरे सोडवली आहेत, असा आरोप काही परीक्षार्थ्यांनी केला आहे.

MPSC Exam 2020: ‘सी-सॅट’चा पेपर अवघड; परीक्षा सुरळीत

Author: admin

Leave a Reply

Your email address will not be published. Required fields are marked *