Schools reopening: विद्यार्थ्यांविना शाळा? पालकांकडून अपेक्षित प्रतिसाद नाही – schools reopening parents are not ready to sent their children to school


म. टा. विशेष प्रतिनिधी, मुंबई

शालेय शिक्षण विभागाने राज्यातील नववी, दहावी आणि बारावीचे वर्ग २३ नोव्हेंबरपासून सुरू करण्याचा निर्णय घेतला आहे. त्यानुसार शाळांचे निर्जंतुकीकरण, शिक्षकांची आरसीपीटीआर चाचणी करण्यास सुरुवातही झाली आहे. मात्र बहुसंख्य पालक त्यांच्या पाल्यांना शाळेत पाठविण्यास तयार नसल्याने विद्यार्थ्यांविना शाळा भरल्याचे चित्र दिसण्याची शक्यता आहे. त्यामुळे ऑनलाइन वर्गच सुरू राहतील, अशी अटकळ आहे.

येत्या २३ पासून शाळा सुरू होत असताना शाळांना पुरविण्याच्या आरोग्य सुरक्षा साधनांची जबाबदारी जिल्हा परिषद आणि महानगरपालिकांवर सोपविण्यात आली आहे. त्यानुसार महापालिका, जिल्हा परिषदांमार्फत शिक्षकांची आरसीपीटीआर चाचणी, शाळांचे निर्जंतुकीकरण सुरू झाले आहे. मुंबई विभागातील महापालिका आणि इतर खासगी शाळांमधील शिक्षक व शिक्षकेतर कर्मचाऱ्यांची वार्डनिहाय अँटीजेन किंवा आरटीपीसीआर चाचणी महापालिकेच्या आरोग्य विभागामार्फत करण्यात येत आहे. मुंबई विभागात वास्तव्यास असणाऱ्या शिक्षकांना त्यांच्या राहत्या घराजवळील आरोग्य केंद्रावर चाचणी करता येणार आहे. या चाचणीसाठी जाताना शिक्षकांना आधारकार्ड तसेच शाळेचे ओळखपत्र सोबत नेणे आवश्‍यक आहे. शिक्षण विभागाकडून शाळांचे निर्जंतुकीकरण करण्याचे आदेश मिळताच मुंबई महापालिकेने सर्व माध्यमिक शाळांचे तातडीने निर्जुंतुकीकरण पूर्ण केले आहे.

प्रशासकीय पातळीवर ही तयारी दिसत असली तरी पालकांच्या समंतीशिवाय मुलांना शाळेत प्रवेश देऊ नये, असे आदेश शालेय शिक्षण विभागाने दिला आहे. त्यानुसार मुख्याध्यापकांनी पालकांना हमीपत्राविषयी माहिती दिली आहे. तसेच शालेय वेळापत्रक, शिक्षकांची उपस्थिती, शाळेत आणायच्या वस्तू याविषयीही कळविले आहे. मात्र, निम्म्याहून अधिक पालकांकडून मुख्याध्यापकांना हमीपत्र देण्यात आलेले नाही. यामुळे प्रत्यक्ष सुरू होणाऱ्या शाळेला कमी प्रतिसाद मिळण्याची शक्‍यता वर्तविण्यात येत आहे. बहुसंख्य पालक पाल्याला शाळेत पाठविण्याच्या तयारीत दिसत नसल्याचेही समोर आले आहे.

कॉलेजला जायचंय? पालकांचे संमतीपत्र आणा!

५७ टक्के पालकांचा नकार

जयवंत कुलकर्णी या शिक्षकांनी शाळेतील संभाव्य उपस्थितीबाबत एक पूर्वआढावा घेतला. त्यात ५७ टक्के पालकांनी लेखी परवानगी देण्यास असमर्थता दर्शविल्याचे समोर आले आहे. तर १ जानेवारीपासून शाळा सुरू करावी असा कौल प्रतिसाद दिलेल्या पालकांपैकी ३२ टक्के पालकांनी दिला आहे.

दहावी, बारावी बोर्ड परीक्षा फी माफ होणार नाही; याचिका फेटाळली

‘पूर्ण जबाबदारी पालकांवर नको’

शाळा सुरू करण्याबाबत सरकारने निर्णय घेतला असून विद्यार्थ्यांना शाळेत येऊन काही झाल्यास त्याची संपूर्ण जबाबदारी पालकांवर टाकणे चुकीचे ठरेल, असे मत पालक शिक्षक संघटनेचे प्रसाद तुळसकर यांनी मांडले. सरकारनेही काही जबाबदारी घेऊन विद्यार्थ्यांच्या आरोग्याची काळजी घ्यावी आणि इतक्यात शाळा सुरू करण्याचे धाडस करू नये, असेही त्यांनी नमूद केले.

२३ नोव्हेंबरपासून शाळा सुरू करण्याची जय्यत तयारी सुरू

Leave a Comment

Your email address will not be published. Required fields are marked *

Scroll to Top
%d bloggers like this: