School reopening: Covid Test Of Teachers शिक्षकांची आजपासून होणार कोविड चाचणी – teachers in maharashtra to undergo covid test from 17th to 22nd november for school reopening


म. टा. विशेष प्रतिनिधी, मुंबई

राज्यातील सरकारी, अनुदानित; तसेच खासगी व्यवस्थापनाच्या नववी ते बारावीपर्यंतच्या सर्व शाळा आणि त्याचे वर्ग (Schools reopening) २३ नोव्हेंबरला सुरू होत आहेत. त्या पार्श्वभूमीवर उद्या, मंगळवार १७ नोव्हेंबरपासून राज्यातील लाखो शिक्षक आणि शिक्षकेतर कर्मचारी; तसेच शाळेशी संबंधित असलेल्या इतर कर्मचाऱ्यांची कोव्हिड चाचणी (Covid Test Of Teachers) केली जाणार आहे.

राज्यात २४ जूनपासून पूर्व प्राथमिक ते बारावीपर्यंतचे सर्व शिक्षण आतापर्यंत ऑनलाइन सुरू होते. परंतु, राज्यात काही दिवसांत करोनाचा प्रादुर्भाव कमी झाला असल्याने शालेय शिक्षण विभागाकडून नववी ते बारावीपर्यंतचे वर्ग सुरू करण्याचा निर्णय घेण्यात आला आहे. विशेष म्हणजे, ‘मिशन बिगिन अगेन’अंतर्गत राज्यातील सर्व शाळा येत्या काळात टप्प्याटप्प्याने सुरू करण्यासाठी सरकारकडून मार्गदर्शक सूचना जारी करण्यात आल्या आहेत. त्याच पार्श्वभूमीवर राज्यातील शाळा सुरळीतपणे सुरू करण्यासाठी शालेय शिक्षण विभागाने मागील चार दिवसांपूर्वी शासन निर्णय जारी केला असून, नववी ते बारावीपर्यंतचे वर्ग आणि शाळा सुरू केल्या जाणार आहेत.

कोव्हिड आणि त्याचा प्रादुर्भाव लक्षात घेऊन शालेय शिक्षण विभागाने या मार्गदर्शक सूचनांमध्ये शिक्षकांनी शिक्षकेतर कर्मचाऱ्यांची कोव्हिडचाचणी करण्याचे आणि त्यासाठीच या सूचनांचे पालन करण्याचे आदेश देण्यात आले आहेत. या आदेशानुसार शाळेतील सर्व शिक्षक व शिक्षकेत्तर कर्मचाऱ्यांची. १७ ते २२ नोव्हेंबर या दरम्यान कोव्हिड-१९ साठीची आरटीपीसीआर चाचणी करणे बंधनकारक करण्यात आले आहे.

७५ टक्के पालक मुलांना शाळेत पाठवण्यास इच्छुक नाहीत

शिक्षक व शिक्षकेतर कर्मचाऱ्यांनी या चाचणीचे प्रयोगशाळेने दिलेले प्रमाणपत्र शाळा व्यवस्थापनास सादर करावे. या प्रमाणपत्राची शाळा व्यवस्थापनाने पडताळणी करावी आणि त्यानंतरच त्यांना शाळांमध्ये प्रवेश द्यावे, असेही यात नमूद करण्यात आले आहे. यासाठी सर्व खबरदारी घेण्याची जबाबदारी शाळा मुख्याध्यापकांवर सोपवण्यात आली आहे.

शाळा उघडण्याचा निर्णय ‘या’ राज्याने घेतला मागे

Leave a Comment

Your email address will not be published. Required fields are marked *

Scroll to Top
%d bloggers like this: