new education policy: नवीन शिक्षण धोरण भारताला बौद्धिक महाशक्ती करणारे – new education policy to make india an intellectual superpower says education minister ramesh pokhriyal


म. टा. विशेष प्रतिनिधी, मुंबई

देशाचे नवीन शिक्षण धोरण हे भारताला जगात बौद्धिक महाशक्ती बनविण्यास सक्षम आहे. हे धोरण देशाची नवी घोषणा ‘जय विज्ञान-अनुसंधान’ यास पुरक असल्याचेही केंद्रीय शिक्षणमंत्री रमेश पोखरियाल निशंक यांनी मंगळवारी व्यक्त केले.

आयआयटी मुंबईमध्ये देशाचे पहिले शिक्षणमंत्री अब्दुल कलाम आझाद यांच्या जयंतीनिमित्त साजऱ्य होणाऱ्या शिक्षण दिनाचे औचित्य साधून नवीन शिक्षण धोरणावर चर्चासत्राचे आयोजन करण्यात आले होते. या चर्चासत्राचे उद्घाटन पोखरियाल यांच्या हस्ते ऑनलाइन स्वरुपात करण्यात आले. नवीन शिक्षण धोरण हे भारतीय मूल्याधारित असले तरी जागतिक स्तरावर ठसा उमटवणारे आहे. आयआयटीसारख्या संस्थांनी हे धोरण राबविण्यामध्ये महत्त्वाची भूमिका बजावावी अशी अपेक्षाही त्यांनी व्यक्त केली. याचबरोबर सध्या आयआयटीमध्ये सुरू असलेल्या विविध संशोधनांचे कौतुक केले.

देशातील विद्यार्थी परदेशात का जातात यावर आपण आणखी विचार करण्याची गरज असल्याचे पोखरियाल यावेळी म्हणाले. या विद्यार्थ्यांना नेमके काय कमी पडते याचा अभ्यास करून त्या सुविधा उपलब्ध करून देण्यास सरकार कटीबद्ध आहे. यासाठी ‘स्टडी इन इंडिया, स्टे इन इंडिया’ यासाठी देशातील नामांकित संस्थांनी पुढाकार घ्यावा असेही ते म्हणाले. आयआयटी मुंबईतील ‘साइन’ या स्टार्टअप उपक्रमाचे त्यांनी यावेळी विशेष कौतुक केले. या उपक्रमामुळे ३००हून अधिक उद्योग वर्षभरात या संस्थेशी जोडले गेल्याचे ते म्हणाले. यावेळी नवीन शिक्षण धोरण समितीचे अध्यक्ष ज्येष्ठ शास्त्रज्ञ के. कस्तुरीरंगन, आयआयटी मुंबईचे संचालक सुभाशीष चौधरी, संशोधन आणि विकास विभागाचे प्रमुख मिलिंद अत्रे, प्रा. सौम्या मुखर्जी आदी प्राध्यापक उपस्थित होते.

अवघा ६ वर्षांचा भारतीय मुलगा कॉम्प्युटर प्रोग्रामर! गिनीज जागतिक विक्रमात नोंद

प्राध्यापकांचा गौरव

शिक्षण दिनाचे औचित्य साधून संस्थेत संशोधनाचे काम करणाऱ्या प्राध्यापक आणि विद्यार्थ्यांचा विशेष गौरव करण्यात आला. यामध्ये प्रबंध प्रसिद्धी पुरस्कार या गटात रसायनशास्त्र विभागाचे महेश्वरन शांमुगम, कम्युटर सायन्स अॅण्ड इंजिनीअरिंग विभागाच्या प्रा. नूतन लिमये, मॅकेनिकल इंजिनीअरिंग विभागाचे रजनीश भारद्वाज, बायोसान्सेय अॅण्ड बायो इंजिनीअरिंग विभागातील सौम्या मुखर्जी आणि सुपर्णा मुखर्जी, पर्यावरण विज्ञान विभागातील शुभंकर करमरकर यांचा समावेश आहे. तर संशोधन पुरस्कार गटात हेतू शेठ, परिंदा वास, राखवन सुनोज यांचा समावेश आहे. तर अर्ली रिसर्च अचिव्हर्स अवॉर्ड या गटात प्रदीप कालबर, शोभना कपूर, वरुण भालेराव या प्राध्यापकांचा समावेश आहे.

आयआयटी मुंबईने लॉकडाउनकाळात केलेल्या केलेल्या दीक्षांत समारंभात आभासी तंत्रज्ञानाचा वापर करून विद्यार्थ्यांना पदवी देण्यात आली होती. त्याच तंत्रज्ञानाचा वापर करून आयआयटीमध्ये प्राध्यापकांचा सन्मान करण्यात आला.

उत्तराखंड सरकारची विद्यार्थ्यांना ‘फ्री हायस्पीड वायफाय’ भेट!

Leave a Comment

Your email address will not be published. Required fields are marked *

Scroll to Top
%d bloggers like this: