NEET Counselling 2020: NEET Counselling 2020 प्रवेशनिश्चितीसाठी पुन्हा मुदतवाढ – neet counselling 2020 extention for two more days for college reporting


NEET Counselling 2020: मेडिकल काऊन्सेलिंग कमिटी (MCC) ने NEET 2020 काऊन्सेलिंगच्या पहिल्या फेरीतील कॉलेज रिपोर्टिंग प्रक्रियेसाठी पुन्हा मुदतवाढ देण्यात आली आहे. विद्यार्थी आता अलॉट झालेल्या कॉलेजांमध्ये १६ नोव्हेंबर २०२० पर्यंत रिपोर्ट करू शकतात. यापूर्वी यासाठी १४ नोव्हेंबर पर्यंत मुदत होती.

विद्यार्थी एमसीसीच्या अधिकृत संकेतस्थळावर जाऊन यासंदर्भातील माहिती वाचू शकतील. सूचना डाऊनलोडदेखील करता येईल. एमसीसीने यासंदर्भातील सूचना जारी करत कॉलेजांमध्ये रिपोर्ट करण्यासाठी आणखी दोन दिवसांची मुदतवाढ देण्यात येत असल्याचे जाहीर केले.

दरम्यान, प्रवेश प्रक्रियेच्या वेळापत्रकानुसार समुपदेशनाच्या दुसऱ्या फेरीसाठी नोंदणी करण्यास १८ नोव्हेंबर २०२० पासून सुरूवात होणार आहे. १८ ते २२ नोव्हेंबरपर्यंत दुसऱ्या फेरीसाठी नोंदणी होईल. शुल्क, पसंतीक्रम भरण्यासाठी १९ ते २२ नोव्हेंबरपर्यंतची मुदत आहे. जागा अलॉट होण्याची प्रक्रिया २३ ते २४ नोव्हेंबर पर्यंत सुरू राहील. दुसऱ्या फेरीची यादी २५ नोव्हेंबर रोजी जाहीर होईल. विद्यार्थी त्यांना मिळालेल्या महाविद्यालयात २६ नोव्हेंबर ते २ डिसेंबर या कालावधीत रिपोर्ट करू शकतील.

प्रवेश निश्चितीच्या वेळी लागणारी कागदपत्रे पुढीलप्रमाणे –

१) एनटीएने दिलेले परीक्षेचे अॅडमिट कार्ड
२) एनटीएने जारी केलेली निकालाची प्रत
३) जन्मतारखेचा दाखला
४) बारावीचे प्रमाणपत्र
५) बारावीची गुणपत्रिका
६) ८ पासपोर्ट आकाराची छायाचित्रे (जे छायाचित्र अर्जावर लावले असेल तेच हवे)
७) प्रोव्हिजनल अलॉटमेंट लेटर
८) ओळखपत्र
या व्यतिरिक्त एनआरआय आणि विशेष प्रवर्गातील विद्यार्थांनी त्यांच्यासाठी आवश्यक प्रमाणपत्रे सादर करायची आहेत.

राज्यात मेडिकलच्या ‘इतक्या’ जागा; प्रवेशांसाठी लागणार चुरस

Leave a Comment

Your email address will not be published. Required fields are marked *

Scroll to Top
%d bloggers like this: