Mumbai University Exams: मुंबई विद्यापीठ एमकॉम, बीकॉम, बीए निकाल जाहीर – mcom, bcom, ba results of mumbai university announced


म. टा. विशेष प्रतिनिधी, मुंबई

मुंबई विद्यापीठाच्या शैक्षणिक वर्ष २०१९-२०च्या अंतिम नियमित परीक्षेतील पदव्युत्तर एमकॉम सत्र-४चा निकाल बुधवारी रात्री जाहीर करण्यात आला. या परीक्षेचा निकाल ९४.७० टक्के लागला आहे. तर आयडॉलचा बीकॉम व बीएचा निकालही जाहीर झाला आहे. हा निकाल अनुक्रमे ८७.०३ टक्के तर ९१.४७ टक्के लागला आहे.

एमकॉमच्या परीक्षेला एकूण सहा हजार ९४५ विद्यार्थी यशस्वीरित्या उत्तीर्ण तर, ३८९ विद्यार्थी अनुत्तीर्ण झाले आहेत. या परीक्षांचे निकाल विद्यापीठाच्या http://www.mumresults.in/ या वेबसाइटवर प्रसिद्ध झाले आहेत. आजपर्यंत विद्यापीठाने २०६ निकाल जाहीर केले आहेत. आयडॉलच्या तृतीय वर्ष बीकॉम परीक्षेचा निकाल ८७.०३ टक्के लागला आहे. बीकॉम परीक्षेत २०८९ विद्यार्थ्यांनी प्रथम वर्ग प्राप्त केला असून, ६६४ विद्यार्थ्यांना द्वितीय वर्ग मिळाला आहे. बीए परीक्षेत २०४६ विद्यार्थ्यांनी प्रथम वर्ग प्राप्त केला असून, ४३१ विद्यार्थ्यांना द्वितीय वर्ग मिळाला आहे. या परीक्षेला ३०२७ विद्यार्थ्यांनी नोंदणी केली होती. त्यापैकी ३५८९ विद्यार्थ्यांनी परीक्षा दिली. तर २०० विद्यार्थी परीक्षेस अनुपस्थित राहिले. २५१ विद्यार्थी अनुत्तीर्ण झाले आहेत.

परीक्षा अर्ज भरण्यास सुरुवात

मुंबई विद्यापीठाने द्वितीय सत्राच्या परीक्षेसाठी अर्ज भरण्याच्या तारखा जाहीर केल्या आहेत. कॉलेजने परीक्षा अर्ज ऑनलाइन भरण्याची व ते अर्ज विद्यापीठात दाखल करण्याची तारीख ११ ते २८ नोव्हेंबर ही असून, विद्यापीठाकडे परीक्षा शुल्क भरण्याची अंतिम तारीख १ डिसेंबर आहे.

दहावी, बारावी परीक्षा: प. बंगालने घेतला ‘हा’ मोठा निर्णय

MHT-CET चा निकाल कधी? जाणून घ्या…

Leave a Comment

Your email address will not be published. Required fields are marked *

Scroll to Top
%d bloggers like this: