Mumbai University: मुंबई विद्यापीठाची आरोग्य व्यवस्था सुधारणार – health centre in mumbai university for covid and other viral disease


हायलाइट्स:

  • मुंबई विद्यापीठाची आरोग्य व्यवस्था सुधारणार
  • आपत्ती व्यवस्थापन निधीस मान्यता
  • विद्यापीठाच्या कॅम्पसमध्ये राहणारे कर्मचारी त्यांचे कुटुंबीय, विद्यार्थी याचबरोबर आसपासच्या परिसरातील लोकांना

करोनाकाळत राज्यातील आरोग्य व्यवस्था अधिक सक्षम व्हावी, या उद्देशाने विविध संस्था पुढाकार घेत आहेत. यातच मुंबई विद्यापीठानेही ‘इंटिग्रेटेड सेंटर फॉर रिसर्च डायग्नॉस्टिक्स अँड क्युअर ऑफ कोविड अँड अदर व्हायरल डिसीजेस’ (आयसीआरडीसीव्हीडी) केंद्र सुरू करण्यासाठी परवानगी मागितली. याला राज्यपालांनी मंजुरी देऊन नऊ महिने उलटले तरी याबद्दल अद्याप चर्चांपलीकडे कोणत्याही हालचाली झाल्या नाहीत. जर ही व्यवस्था उभी राहिली असती तर आज कॅम्पसमध्ये तसेच आसपासच्या परिसरात असलेल्या रहिवाशांना आता त्याचा लाभ घेता आला असता.

मुंबई विद्यापीठात व्हायरल आजारांवर संशोधन करणारे केंद्र असावे याचा फायदा करोनाकाळात याचबरोबर भविष्यात अशा प्रकारच्या समस्या उद्भवल्यास विद्यापीठाच्या कॅम्पसमध्ये राहणारे कर्मचारी त्यांचे कुटुंबीय, विद्यार्थी याचबरोबर आसपासच्या परिसरातील लोकांना होऊ शकतो. या उद्देशाने विद्यापीठाने गतवर्षी १६ जून रोजी राज्यपालांना असे केंद्र उभारण्याची परवानगी मागितली होती. तसेच यासाठी विद्यापीठाकडे जमा असलेल्या आपत्ती व्यवस्थापन निधीतील पैसे वापरण्याची परवानगीही मागितली होती. याला अनुसरून राज्यपालांनी ८ जुलै रोजी कुलगुरूंना पत्र लिहून सुमारे साडेचार कोटींचा निधी या केंद्रासाठी वापरण्याची तत्वत: मान्यता दिली. या निधीचा वापर केंद्रासाठी आवश्यक साधन सामग्री खरेदी करण्यासाठी करावा असेही या पत्रात त्यांनी स्पष्ट केले होते.

विद्यापीठाने याबाबत केवळ विविध स्तरावर चर्चा केली. आजही हे केंद्र लवकर सुरू होईल, असे चित्र पाहावयास मिळत नाही. या केंद्रासाठी आवश्यक ई-टेंडर प्रक्रियाही अद्याप सुरू झालेली नाही. जर जुलै महिन्यात राज्यपालांची परवानगी मिळाल्यानंतर तातडीने विद्यापीठाने यासाठी पावले उचलली असती तर याचा फायदा आताच्या परिस्थितीत कदाचित होऊ शकला असता. राज्य सरकार याचबरोबर केंद्र सरकार सध्या आरोग्य सुविधा उभारणाऱ्या संस्थांना प्रात्साहन देत असून त्याचा लाभही विद्यापीठाला झाला असता अशी भावना प्राध्यापक, विद्यार्थी, कर्मचारी आणि अधिसभा सदस्य व्यक्त करत आहेत.

या केंद्राबाबत विद्यापीठ योग्य ती कार्यवाही करत आहे. यासाठी आरोग्य विज्ञान विद्यापीठाशी चर्चा करण्यात आली असून तेथील तज्ज्ञांची मते जाणून घेण्यात येणार असल्याचे विद्यापीठाचे प्र-कुलगुरू डॉ. रविंद्र कुलकर्णी यांनी सांगितले. तसेच ही प्रक्रिया नियमांनुसार राबविण्यात येईल असेही त्यांनी सांगितले.

यूजीसी नेट मे २०२१ परीक्षा लांबणीवर पडणार का?

काय असेल या केंद्रात…

-संशोधनासाठी अत्याधुनिक साधनसामग्री

-एक्स-रे, ईसीजीसारख्या सुविधा

-आवश्यक तज्ज्ञ, काही पूर्णवेळ तर काही व्हिजिटींग तत्त्वावर नेमणे प्रस्तावित होते. मात्र एक्स-रे मशीन बसविण्यासाठी आवश्यक असलेली एकही परवानगी अद्याप विद्यापीठाने मिळवलेली नाही, असेही समजते.

UPSC भरतीवर देखील करोनाचा परिणाम; काही परीक्षा, मुलाखती स्थगित
JEE Main एप्रिल सत्र परीक्षा लांबणीवर; नवी तारीख लवकरच

Author: admin

Leave a Reply

Your email address will not be published. Required fields are marked *