mpsc preliminary exam: MPSC दुय्यम सेवा पूर्व परीक्षा रविवारी नियोजित वेळीच होणार – mpsc preliminary exam will be conducted on sunday 11th april, no change inspite lockdown


हायलाइट्स:

  • MPSC दुय्यम सेवा पूर्व परीक्षा रविवारी नियोजित वेळीच
  • जिल्हा प्रशासनाकडून जय्यत तयारी
  • ४२ हजार ७०० उमेदवार देणार परीक्षा
  • राज्यात १०९ उपकेंद्रांवर परीक्षा होणार

म. टा. प्रतिनिधी, पुणे

राज्यात विकेंडला लॉकडाउन असला, तरी येत्या रविवारी (११ एपिल) महाराष्ट्र लोकसेवा आयोगाची (एमपीएससी) परीक्षा होणार असून, त्याची तयारी जिल्हा प्रशासनाकडून करण्यात आली आहे. या परीक्षेसाठी ४२ हजार ७०० उमेदवार असून, १०९ उपकेंद्रांवर परीक्षा होणार आहे. परीक्षेसाठी नेमण्यात आलेल्या क्रेंद प्रमुख, पर्यवेक्षक आणि कर्मचाऱ्यांना लसीकरण किंवा ‘आरटीपीसीआर’ चाचणी करण्याच्या सूचना देण्यात आल्या आहेत.

‘एमपीएससी’ची महाराष्ट्र दुय्यम सेवा व राजपत्रित गट (ब) संयुक्त परीक्षा रविवारी होणार आहे. या परीक्षेची तयारी करण्याच्या सूचना राज्य सरकारकडून देण्यात आल्या आहेत. त्यानुसार जिल्हा प्रशासनाकडून तयारी करण्यात आली आहे.

याबाबत निवासी उपजिल्हाधिकारी डॉ. जयश्री कटारे म्हणाल्या, ’प्रशासनाकडून परीक्षेची तयारी करण्यात आली आहे. जिल्ह्यामध्ये १०९ उपकेंद्रांवर ही परीक्षा होणार असून, सुमारे ४२ हजार ७०० उमेदवार असणार आहेत. या केंद्रांवर सुमारे चार हजार जणांच्या नेमणुका करण्यात आल्या आहेत. त्यांना

परीक्षेच्या दोन दिवस अगोदर ‘आरटीपीसीआर’ चाचण्या करण्याच्या सूचना देण्यात आल्या आहेत.

दरम्यान, परीक्षेला येणाऱ्या प्रत्येक उमेदवाराला एक कीट देण्यात येणार आहे. त्यामध्ये हँडग्लोज, सॅनिटायझरचे दोन सॅचेट असणार आहेत. हे काम खासगी एजन्सीला देण्यात आले आहे.

हेही वाचा:
मुंबई विद्यापीठाचा निकाल कक्ष कागदपत्रे इमेलवर स्वीकारणार
शिवाजी विद्यापीठाच्या हिवाळी सत्र परीक्षा तिसऱ्यांदा लांबणीवर
दहावी, बारावीच्या परीक्षा ऑफलाइनच; कठोर निर्बंधांच्या पार्श्वभूमीवर परीक्षांसाठी तयारी

Author: admin

Leave a Reply

Your email address will not be published. Required fields are marked *