FYJC second merit list: FYJC Online: दुसर्‍या फेरीची गुणवत्ता यादी आज – fyjc online admission 2020 second round to be start from 5th december


Fyjc Online Admission 2020: सर्वोच्च न्यायालयाने मराठा आरक्षणाला अंतरिम स्थगिती दिल्यानंतर रखडलेली इयत्ता अकरावीच्या प्रवेशासाठी राबविण्यात येणारी अकरावी प्रवेश प्रक्रीया पुन्हा सुरू करण्यात आली आहे. प्रवेश प्रक्रियेतील दुसर्‍या फेरीची गुणवत्ता यादी शनिवारी ५ डिसेंबर रोजी जाहीर करण्यात येणार आहे.

मुंबईत दुसऱ्या फेरीसाठी दोन लाख ४२ हजार २१९ जागा

सर्वोच्च न्यायालयाने सप्टेंबर महिन्यात मराठा आरक्षणाला अंतरिम स्थगितली दिल्यानंतर रखडलेली विविध अभ्यासक्रमाची प्रवेश प्रक्रिया मार्गी लावण्यासाठी राज्य सरकारने एसईबीसी कोट्यातील विद्यार्थ्यांना खुल्या प्रवर्गातून प्रवेश देण्याचा निर्णय घेतला आहे. त्यानुसार अकरावी ऑनलाइन प्रवेश प्रक्रियेत मुंबई महानगर प्रदेशात एसईबीसी कोट्याच्या ३५ हजार ९३० जागांचा खुल्या प्रवर्गात समावेश करण्यात आला आहे. या जागा मिळून अकरावी प्रवेशाच्या दुसऱ्या गुणवत्ता यादीसाठी दोन लाख ४२ हजार २१९ जागा उपलब्ध आहेत.

मुंबईत दुसऱ्या फेरीसाठी शाखानिहाय उपलब्ध जागा

कला – २८,३९०

वाणिज्य- १,३२,८५७

विज्ञान – ७६,१७५

एचएसव्हीसी – ४७९७

द्वितीय वर्ष इंजिनीअरिंग प्रवेशांचे वेळापत्रक जाहीर

एमफिल,पीएचडीच्या विद्यार्थ्यांना प्रकल्पांसाठी पुन्हा मुदतवाढ

पुण्यात ७६ हजार जागा

अकरावी ऑनलाइन प्रवेशासाठी पुणे आणि पिंपरी-चिंचवड परिसरात महाविद्यालयांमध्ये १ लाख ७ हजार ३० जागा उपलब्ध आहेत. त्यापैकी पहिल्या फेरीत ३० हजार ५४४ विद्यार्थ्यांचे प्रवेश निश्‍चित झालेले आहेत. तर ७६ हजार ४८६ जागा प्रवेशासाठी उपलब्ध आहेत. या जागांसाठी १ लाख १ हजार १९ विद्यार्थ्यांनी नोंदणी केली आहे. त्यातील ६४ हजार २२६ विद्यार्थ्यांनी अर्ज भरून लॉक केले आहेत. तर ८३ हजार ६७३ विद्यार्थ्यांच्या अर्जांची पडताळणी झालेली आहे. त्यातील ७६ हजार ७५४ विद्यार्थ्यांनी पसंतीक्रम भरलेले आहेत.

Schools Reopening: शाळांमध्ये विद्यार्थ्यांची उपस्थिती वाढली

प्रवेशाच्या शर्यतीत ७६ हजार ७५४ विद्यार्थी आहेत. यातील ३० हजार ५४४ विद्यार्थ्यांनी यापूर्वीच पहिल्या फेरीत प्रवेश निश्‍चित केले आहेत. त्यामुळे दुसर्‍या फेरीतील प्रवेशासाठी ४६ हजार २१० विद्यार्थ्यांना प्रवेश घ्यायचा आहे. प्रवेशाचे सेटमॅट्रीक्स तयार केले आहे; तसेच सॉफ्टवेअरचे ऑडीट देखील झाले आहे. ५ डिसेंबरला दूपारी १२ वाजेपर्यंत गुणवत्ता यादी जाहीर केली जाणार आहे. त्यानंतर महाविद्यालयांमध्ये प्रवेश घेण्यासाठी पुढील प्रक्रिया सुरू केली जाणार आहे, असे प्रवेश नियंत्रण समितीच्या वतीने सांगण्यात आले आहे.

पुणे विद्यापीठाच्या ऑनलाइन परीक्षा प्रॉक्टर्ड मेथडने

Author: admin

Leave a Reply

Your email address will not be published. Required fields are marked *