FYJC online admission: अकरावीची प्रवेशाची पहिली गुणवत्ता यादी जाहीर; ‘कट ऑफ’ ९५ टक्क्यांपार – fyjc online admission first merit list declared


म. टा. विशेष प्रतिनिधी, मुंबई

दहावीच्या निकालात यंदा वाढ झाल्याचा परिणाम अकरावी प्रवेशावर झाला आहे. अकरावीचा ‘कट ऑफ’ यंदा चांगलाच वाढला आहे. अकरावीची पहिली ‘कट ऑफ’ ९५ टक्क्यांहून अधिक आहे. नामवंत कॉलेजांच्या ‘कट ऑफ’मध्ये गेल्या वर्षीपेक्षा वाढ झाली आहे. बहुतांश कॉलेजांचा ‘कट ऑफ’ नव्वदच्या पुढे गेल्याने पहिल्या यादीत मोठी चुरस पाहायला मिळाली. यामुळे ७० ते ८० टक्क्यांमध्ये असलेल्या विद्यार्थ्यांना प्रवेशासाठी तारेवरची कसरत करावी लाणार आहे. पहिल्या यादीत दोन लाख १२ हजार १५२ विद्यार्थ्यांनी अर्ज केले. त्यापैकी पहिल्या यादीत निम्म्याहून अधिक म्हणजेच तब्बल १ लाख १७ हजार ५२० विद्यार्थ्यांचा प्रवेश निश्चित झाला आहे. ४० हजार विद्यार्थ्यांना पहिल्या पसंतीचे कॉलेज मिळाले आहे.

करोनाच्या पार्श्वभूमीवर अकरावी ऑनलाइन प्रवेशाला यंदा उशिरा सुरुवात झाली. यावर्षी तब्बल दोन लाख १२ हजार १५२ विद्यार्थ्यांनी अर्ज केले आहेत. यामध्ये कला शाखेसाठी २० हजार ११, वाणिज्य शाखेसाठी १ लाख २५ हजार ३५५, विज्ञान शाखेसाठी ६५ हजार ६४८ विद्यार्थ्यांनी तर एमसीव्हीसी साठी १ हजार ३८ जणांनी अर्ज केले आहेत. त्यापैकी पहिल्या यादीत कला शाखेतील १२ हजार ५०२, वाणिज्य शाखेतील ६६ हजार १४० आणि विज्ञान शाखेतील ३७ हजार ९७६ आणि एमसीव्हीसीच्या ९०२ विद्यार्थ्यांना प्रवेश देण्यात आला आहे. त्यामुळे प्रवेशासाठी मोठी चढाओढ निर्माण झाली आहे. सर्वाधिक एक लाख सहा हजार ९७९ एसएससीच्या विद्यार्थ्यांना प्रवेश मिळाला आहे. तीन हजार ७०५ सीबीएसई आणि आयसीएसईच्या पाच हजार ८६३ विद्यार्थ्यांना प्रवेश मिळाला आहे.

‘नव्वदी प्लस’ विद्यार्थ्यांची संख्या जास्त असल्याने प्रवेशाच्या गुणवत्ता यादीत नामवंत कॉलेज पटकवण्यात हेच विद्यार्थी सरस ठरले आहेत. यामुळे नामांकित कॉलेजातील पहिल्या ‘कट ऑफ’ने ८६ ते ९४ टक्क्यांचा आकडा पार केला आहे.

विद्यार्थ्यांना पदवी परीक्षा घरबसल्या देता येणार; उच्च शिक्षणमंत्र्यांची ग्वाही

यंदाचे चित्र वेगळे

गतवर्षीच्या तुलनेत यंदाचे अकरावी प्रवेशाचे चित्र वेगळे आहे. अंतर्गत गुण कमी झाल्यामुळे दहावी राज्य मंडळाचा निकाल घसरला होता, याचा मोठा फटका बसला होता. यंदा निकाल वाढल्याने चित्र वेगळे आहे. नामवंत कॉलेजाचा पसंतीक्रम बहुतांश विद्यार्थ्यांनी दिल्याने कॉलेजांची अकरावीची ‘कट ऑफ’ ही ९०हून अधिक होत ९४वरही पोहचली, असे प्राचार्यांनी सांगितले.

दुसरी यादी ८० ते ७५ टक्केवारीची

एसएससीबरोबर ९०हून अधिक टक्केवारी केंद्रीय विद्यार्थ्यांची असल्याने यामुळे प्रवेशाची खरी स्पर्धा रंगली आहे. गुणवंताच्या पसंतीची असणारी रुईया, एनएम, रुपारेल, केसी, हिंदुजा, साठ्ये, खालसा, पाटकर आदी मुंबईतील नामवंत कॉलेजांमध्ये प्रवेशासाठी मोठी स्पर्धा निर्माण झाली आहे. यामुळे पहिल्या यादीत ‘नव्वदी प्लस’ विद्यार्थ्यांचे वर्चस्व बहुतांश कॉलेजात राहिले तर ८० ते ७५ टक्के गुण मिळवलेल्या राज्य मंडळांच्या विद्यार्थ्यांना पसंतीच्या कॉलेजासाठी दुसऱ्या यादीची प्रतीक्षा करावी लागणार आहे, हे मात्र या यादीमुळे चित्र नक्की झाले आहे.

९वी ते १२ वीचे विद्यार्थी २१ सप्टेंबरपासून शाळेत येऊ शकतील; पण…

कॉलेजांचे ‘कट ऑफ’ (गुण ५०० पैकी)

एच. आर कॉलेज

कॉमर्स – ४६९

..

केसी कॉलेज

आर्ट्स – ४५१

कॉमर्स – ४६१

सायन्स – ४४७

..

जय हिंद कॉलेज

आर्ट्स – ४६३

कॉमर्स – ४६३

सायन्स – ४४७

..

रुईया कॉलेज

आर्ट्स – ४७१

सायन्स – ४७४

..

आर. ए. पोदार कॉलेज

कॉमर्स – ४७१

..

डी. जी. रुपारेल कॉलेज

आर्ट्स – ४५६

कॉमर्स – ४६०

सायन्स – ४६७

..

साठ्ये कॉलेज

आर्ट्स – ४२९

कॉमर्स – ४५५

सायन्स – ४६४

..

एम. एल. डहाणूकर कॉलेज

कॉमर्स – ४६२

..

भवन्स कॉलेज

आर्ट्स – ४२२

कॉमर्स – ४५३

सायन्स – ४५१

..

मिठीबाई कॉलेज

आर्ट्स – ४४७

कॉमर्स – ४५९

सायन्स – ४४९

..

एन. एम. कॉलेज

कॉमर्स – ४७०

..

व्ही. जी. वझे-केळकर कॉलेज

आर्ट्स – ४५८

कॉमर्स – ४६८

सायन्स – ४७२

..

एमसीसी कॉलेज

कॉमर्स – ४६२

..

झेविअर्स कॉलेज

आर्ट्स – ४७३

सायन्स – ४५७

Author: admin

Leave a Reply

Your email address will not be published. Required fields are marked *