career news News : ५० शिक्षकांना महापौर पुरस्कार; यंदा करोनामुळे उशीर – bmc mayors award to 50 teachers


म. टा. विशेष प्रतिनिधी, मुंबई

मुंबई महापालिकेने ५० शिक्षकांना आदर्श शिक्षक महापौर पुरस्कार जाहीर केला आहे. दरवर्षी ५ सप्टेंबर रोजी साजऱ्या होणाऱ्या शिक्षक दिनानिमित्त जाहीर करण्यात येणारे आदर्श शिक्षक महापौर पुरस्कार यंदा करोनामुळे जाहीर होऊ शकले नव्हते. शिक्षक हे पुरस्कार जाहीर होण्याच्या प्रतीक्षेत होते. अखेर शुक्रवारी हे पुरस्कार जाहीर करण्यात आले.

शिक्षण विभागातील महानगरपालिका प्राथमिक व माध्यमिक शाळा, खासगी अनुदानित व विनाअनुदानित प्राथमिक शाळांमधील जे शिक्षक ज्ञानदानाचे व विद्यार्थी घडविण्याचे पवित्र कार्य प्रामाणिकपणे करत आहेत, त्यांचा यथोचित गौरव करण्याची परंपरा सन १९७१पासून २ शिक्षकांना पुरस्कृत करून सुरू झाली. त्यानंतर वेळोवेळी यामध्ये बदल होऊन यंदा ५० आदर्श शिक्षकांना महापौर पुरस्काराने गौरविण्यात येणार आहे.

महापालिकेच्या प्राथमिक व माध्यमिक शाळा, खासगी अनुदानित शाळा व विना अनुदानित प्राथमिक शाळांतील आदर्श आणि विद्यार्थ्यांच्या प्रगतीची कास धरणाऱ्या ५० शिक्षकांना प्रत्येकी दहा हजार रुपये पालिका थेट शिक्षकांच्या बँक खात्यात जमा करणार आहेत. यासोबतच मानचिन्हाचे सोन्याचा मुलामा दिलेले पदक, प्रमाणपत्र, शाल, श्रीफळ व फेटा देऊन महापौरांच्या हस्ते सन्मानित केले जाणार आहे. या पुरस्कारासाठी १२३ शिक्षकांच्या मुलाखती घेऊन त्यातून ५० शिक्षकांची निवड करण्यात आली आहे.

CTET Exam: पुढील वर्षी होणार सीटीईटी परीक्षा; नवी तारीख आली

राज्य पुरस्कारची घोषणा व्हावी

मुंबई महापालिकेने राज्य पुरस्कार जाहीर केले. आता राज्य सरकारनेही आदर्श शिक्षक पुरस्कारांची घोषणा करावी, अशी मागणी शिक्षकांकडून होत आहे. याचबरोबर यंदा राज्य सरकारने तसेच महापालिकेने कोविड काळात विविधस्तरावर सेवा पुरविणाऱ्या शिक्षक कोविड योद्धांचा सन्मान करावा, अशी मागणी शिक्षक परिषदेचे कार्यवाह शिवनाथ दराडे यांनी केली आहे. याचबरोबर ज्या शिक्षकांचे कोविड सेवाकाळात निधन झाले, अशा शिक्षकांचा मरणोत्तर सन्मान व्हावा, अशी मागणीही त्यांनी केली आहे.
शिक्षकांची दिवाळी होणार गोड! लाभांशाची रक्कम मिळणार

Leave a Comment

Your email address will not be published. Required fields are marked *

Scroll to Top
%d bloggers like this: