career as influencer: ‘इन्फ्लुएन्सर’ व्हा; रोज हजारो रुपये कमवा!! – how to make career as influencer, here are some tips


– अक्षयकुमार गांधी

‘मोबाइलमध्ये वेळ वाया घालविण्यापेक्षा काहीतरी काम कर, भलं तरी होईल,’ असे टोमणे मोबाइलमध्ये डोकावून बसलेल्या तरुणांना कुटुंबीयांकडून एरवी नेहमीच ऐकायला मिळत असतात. मात्र, याच मोबाइलच्या साहाय्याने तरुणाईंनी दररोज हजारो रुपयांची कमाई करणे सुरू केले आहे. सोशल मीडियावर एखाद्या ब्रॅण्डचे रिव्ह्यू देणे, व्हॉट्सअॅपवर स्टेट्स ठेवून साहित्य विक्रेत्याला ग्राहक मिळवून देणे, एकादे मेकअप किंवा कॉस्मेटिक कंपनीचे उत्पादन वापरून आपला अनुभव शेअर करणे आदीं सोशल प्रयोगांद्वारे तरुणाईने कमाईला सुरुवात केली आहे.

फेसबुक, इन्स्टाग्रामवर अपलोड केलेल्या पोस्टला जास्तीत जास्त लाइक्स मिळावेत, यासाठी सर्वांचाच खटाटोप असतो तसेच इन्स्टाग्रामवर फॉलोअर्स वाढविण्यासाठी विविध सोशल प्रयोग तरुणाईंकडून करण्यात येतात. ‘अकाउंट अॅक्टिव्ह’ ठेवण्यासाठी सतत नवनवीन कंटेंट शेअर केला जातो. याचाच फायदा ‘इन्फ्लुएन्सर‘ बनलेल्या तरुणाईला मिळताना दिसत आहे.

‘स्केचिंग’ही ऑनलाइन

स्केचिंगची आवड असलेल्या कलावंतांनाही आपली कला ‘कॅश’ करण्याची संधी सोशल मीडियाने उपलब्ध केली आहे. याबद्दल नागपूरच्या ‘आयडियाज'(इन्स्टिट्युट ऑफ डिझाइन एज्युकेशन अॅण्ड आर्किटेक्चरल स्टडिज)मधील आर्किटेक्चरच्या तृतीय वर्षांची विद्यार्थिनी हिमानी सारडा म्हणाली,’मला स्केचिंगची आवड लहानपणापासून होती. एकदा एका मित्राला त्याचे ‘स्केच’ काढून गिफ्ट केले होते. त्यानंतर अनेक मित्र-मैत्रिणींनी फोटो देऊन त्यांचे स्केच काढण्यास सांगितले. यापासून माझ्या छंदाचे स्वरूप ‘पार्ट टाइम व्यवसाया’त बदलले.

सौंदर्य प्रसाधनांची ‘टेस्टिंग किट’

अलीकडे कुठलेही उत्पादन ऑनलाइन खरेदी करण्यापूर्वी ग्राहकांकडून त्याचे रिव्ह्यू पडताळण्यात येतात. म्हणून आंतरराष्ट्रीय कंपन्यांपासून, भारतीय आणि स्थानिक कॉस्मॅटिक उत्पादकही सोशल मीडियावर अशा ‘इन्फ्लुएन्सर’चा शोध घेत त्यांना आपली उत्पादने नि:शुल्क पाठवत असतात. काहींकडून फक्त रिव्ह्यू, तर काहींकडून डिस्काऊंट कोड देत ‘इन्फ्लुएन्सर’च्या माध्यमातून खरेदी केलेल्या प्रत्येक ऑर्डरवर १५ ते २० टक्के सवलत देण्यात येत असल्याचे आपला छंद जोपासणाऱ्या ‘इन्फ्लुएन्सर’ पायल घोष हिने सांगितले.

करिअरमध्ये टिकून राहायचंय? व्हा अपग्रेड!

जास्त फॉलोअर्स असलेल्यांना संधी

काही स्थानिक उत्पादकांकडून इन्स्टाग्रामवर किमान एक हजार फॉलोअर्स असलेल्यांना संधी देण्यात येते. पाच हजारांवर फॉलोअर्स असणाऱ्यांना प्रतिपोस्ट ५०० ते ८०० रुपयांपर्यंत मिळतात. तर इव्हेंटच्या पासेस विक्री अॅडच्या पोस्टवरही किमान ५०० रुपये प्रतिपास मिळते. याशिवाय दहा हजारांवर फॉलोअर्स असणाऱ्यांना प्रति पोस्ट १,००० ते १,५०० पासून पुढे रक्कम अदा केली जाते.

सेलिब्रिटीही बनले ‘इन्फ्लुएन्सर’

अभिनेता, अभिनेत्री, क्रीडापटू यांनीदेखील ‘इन्फ्लुएन्सर’ बनत मोठमोठ्या ब्रॅण्डसोबत पेड पार्टनरशीप केली आहे. यात क्रिकेटपटू विराट कोहली, धोनी, युवराज, तर अभिनेत्री दिशा पटानी, अनुष्का शर्मा, दीपिका पदुकोण आदींची नावे आघाडीवर आहेत. अलीकडे ओटीटी प्लॅटफॉर्मच्या कलावंतांनाही ‘इन्फ्लुएन्सर’ म्हणून विचारणा केली जात आहे.

SBI Vacancy: ‘अशी’ करा स्टेट बँकेत अधिकारी पदाची तयारी

पालकांनाही आवडला नवा ‘फंडा’

नवीन जनरेशनचा हा ‘इन्फ्लुएन्सर फंडा’ पालकांनाही आवडला असून, पालकही आपल्या मुलांच्या पोस्ट रिपोस्ट आणि व्हॉट्सअॅप स्टेटसवर ठेवत असल्याचे अकोल्यातील ‘इन्फ्लुएन्सर’ दिव्या गणात्रा हिने सांगितले.

प्रशिक्षणार्थी पदासाठी अर्ज करायचाय?

Author: admin

Leave a Reply

Your email address will not be published. Required fields are marked *