धुळ्यात भाजप नगरसेविकेच्या मुलीच्या लग्नात सोशल डिस्टन्सिंगचा फज्जा



<p style="text-align: justify;"><strong>धुळे :</strong> देशासह संपूर्ण जगात कोरोनाने थैमान घातलं असल्याने याचा फैलाव रोखण्यासाठी गर्दीचे समारंभ टाळण्याचे आवाहन वारंवार करण्यात येत आहे. शासनाच्या नियमानुसार लग्नासारख्या समारंभात सोशल डिस्टन्सिंग पाळून केवळ 50 लोकांना एकत्र येण्याची परवानगी देण्यात येते. मात्र धुळे महापालिकेच्या पाणीपुरवठा विभागाचे अभियंता चंद्रकांत उगले &nbsp;आणि भाजपच्या नगरसेविका सुरेखा चंद्रकांत उगले यांची कन्या &nbsp;वैष्णवी हिचा विवाह रविवारी सायंकाळी शहरातील केरुजी नगर येथील मोकळ्या मैदानात थाटात पार पडला. या विवाह सोहळ्यात सर्व शासकीय नियमांचा पुरता फज्जा उडविण्यात आला.</p>
<p style="text-align: justify;">एकीकडे धुळे शहरासह जिल्ह्यात कोरोना बाधित रुग्णांच्या संख्येत वाढ होत असताना लग्नसमारंभात 50 हून अधिक लोकांची उपस्थिती असू नये असे प्रशासनाचे निर्देश असताना देखील चंद्रकांत उगले यांच्या कन्येच्या विवाह सोहळ्याला साडे चारशेहून अधिक नागरिकांची उपस्थिती होती. विवाहस्थळी &nbsp;भव्य मंडप उभारण्यात आला होता. तसेच सोशल डिस्टंसिंगचा देखील पूर्णपणे फज्जा उडाल्याचे चित्र पाहायला मिळाले.विशेष म्हणजे विवाह समारंभास्थळी उभारण्यात आलेल्या मंडपामुळे गेल्या आठ ते दहा दिवसांपासून या भागातील रस्ते बंद करण्यात आले होते. यामुळे येथील सर्वसामान्य नागरिकांना त्रास सहन करावा लागला. विशेष म्हणजे याबाबत महापालिकेतील वरिष्ठ अधिकाऱ्यांना माहिती असून देखील कोणतीही पूर्वसूचना उगले यांना देण्यात आलेली नव्हती तसेच याबाबत कोणतीही कारवाई महापालिकेच्या वरिष्ठ अधिकाऱ्यांकडून झालेली नाही.&nbsp;</p>
<p style="text-align: justify;">एकीकडे पालक मंत्री अब्दुल सत्तार यांनी डीजे वाजविण्यावर बंदी घालण्याचे आदेश दिले असताना देखील उगले यांच्या कन्येच्या विवाह प्रसंगी सर्रासपणे डीजेचा देखील वापर करण्यात आला. विवाह समारंभाच्या स्थळी मंडप उभारण्याबाबत उगले यांनी कोणतीही प्रशासकीय परवानगी घेतलेली नव्हती, कोरोनाचा वाढता प्रादुर्भाव लक्षात घेता विवाह समारंभ तसेच अन्य कौटुंबिक समारंभांवर निर्बंध लादण्यात आले आहेत. तसेच याचे उल्लंघन करणाऱ्या सर्वसामान्य नागरिकांवर कठोर कारवाई केली जात असताना महापालिकेच्या वरिष्ठ अधिकाऱ्यांना वेगळा न्याय का असा प्रश्न या निमित्ताने उपस्थित केला जात आहे. याबाबत माहिती मिळताच पोलिसांनी कारवाई करत याप्रकरणी शहर पोलीस ठाण्यात गुन्हा दाखल करण्यात आला आहे.</p>
<p style="text-align: justify;"><strong>संबंधित बातम्या :</strong></p>
<div class="card-body">
<p class="card-text h4 ln3"><strong><a href="https://marathi.abplive.com/crime/crimes-have-been-registered-for-attacking-a-youth-out-of-anger-over-an-interracial-marriage-876600">मुलीने आंतरजातीय विवाह केल्याच्या रागातून तरुणावर जीवघेणा हल्ला</a></strong></p>
<h4 class="article-title"><a href="https://marathi.abplive.com/crime/marriage-canceled-over-branded-kumkum-file-a-case-at-wada-police-station-876213">ब्रँडेड कुंकू लावलं नाही म्हणून लग्नास नकार, वाडा पोलिस ठाण्यात गुन्हा दाखल</a></h4>
</div>
<p style="text-align: justify;">&nbsp;</p>

Author: admin

Leave a Reply

Your email address will not be published. Required fields are marked *