असिस्टंट जनरल मॅनेजर पदासाठी भरती



प्रा. संजय मोरे

स्पर्धा परीक्षांची तयारी करणाऱ्या उमेदवारांसाठी भरपूर संधी उपलब्ध आहेत आणि त्या संधीचा लाभ घेता आला पाहिजे. म्हणून त्यासाठी पूर्वतयारी गरजेची आहे. सरकारी नोकरीची भुरळ आजही सर्वांना आहे. पण सरकारी नोकरी म्हटलं की, स्पर्धा परीक्षा ही आलीच. मुळात स्पर्धा परीक्षा कशासाठी? सरकारी नोकरी कशी मिळते? त्यासाठी पात्रता किती असावी लागते? त्यासाठी अर्ज कुठे मिळतात? निवड प्रक्रिया कशी असते? त्यासाठी ओळखपत्र वगैरे लागतं का? परीक्षेसाठी अभ्यासक्रम कोणता असतो असे प्रश्न उमेदवारांच्या मनात काहूर निर्माण करतात. त्याच वेळी म्हणजेच योग्य वेळी योग्य माहिती मिळाली नाही तर सरकारी नोकरी हे फक्त एक स्वप्नच उरतं. सध्या फूड कॉपोरेशन ऑफ इंडियामध्ये असिस्टंट जनरल मॅनेजर आणि मेडिकल ऑफिसर पदासाठी भरती होत आहे.

० असिस्टंट जनरल मॅनेजर (जनरल अॅडमिनिस्ट्रेटन)

पात्रता- पदव्युत्तर पदवी उत्तीर्ण किंवा कायदा विषयातील पदवी ५५ टक्क्यांनी उत्तीर्ण

० असिस्टंट जनरल मॅनेजर (टेक्निकल)

पात्रता- बीएससी (अॅग्रीकल्चर) किंवा बीई/बीटेक (फूड सायन्स) किंवा बीटेक (फूड सायन्स अँड टेक्नॉलॉजी/फूड टेक्नॉलॉजी/ फूड प्रोसेसिंग इंजिनीअरिंग/फूड प्रोसेसिंग/ फूड प्रीजर्व्हेशन टेक्नॉलॉजी/ अॅग्रीकल्चर इंजिनीअरिंग/ बायो टेक्नॉलॉजी/ इंडस्ट्रीयल बायोटेक्नॉलॉजी/ बायो केमिकल इंजिनीअरिंग/अॅग्रीकल्चर केमिकल इंजिनीअरिंग) ५५ टक्क्यांनी उत्तीर्ण

० असिस्टंट जनरल मॅनेजर (अकाउंट्स)

पात्रता- असोसिएट मेम्बरशिप (चार्टर्ड अकाऊंटंट/ कॉस्ट अकाऊंटंट/ कंपनी सेक्रेटरी)

० असिस्टंट जनरल मॅनेजर(लॉ)

पात्रता- कायदा विषयातील पदवी आणि किमान पाच वर्षांचा अनुभव आवश्यक

० मेडिकल ऑफिसर

पात्रता- एमबीबीएस आणि तीन वर्षांचा अनुभव

निवड पद्धती- ऑब्जेक्टिव्ह प्रकारची ऑनलाइन परीक्षा आणि मुलाखत

असिस्टंट जनरल मॅनेजर (जनरल अडमिनिस्ट्रेशन) पदाकरीता १८० प्रश्नांची ऑनलाइन परीक्षा असून अडीच तासांचा वेळ देण्यात येणार आहे. अप्टीट्यूड टेस्टमध्ये रीजनिंग अॅबिलिटी, जनरल अवेरनेस, मॅनेजमेंट, अॅग्रीकल्चर इकॉनॉमी आणि कम्प्युटर या विषयांवर आधारित प्रश्न विचारले जातात. प्रत्येक विषयाचे ४५ प्रश्न प्रत्येकी एक गुण असे १८० गुण. मेडिकल ऑफिसर, असिस्टंट जनरल मॅनेजर लॉ, असिस्टंट जनरल मॅनेजर अकाऊंट्स, असिस्टंट जनरल मॅनेजर टेक्निकल या पदांसाठी होणाऱ्या परीक्षेत वरील विषय असून त्यासाठी प्रत्येक विषयाचे ३० प्रश्न असे १२० प्रश्न असतील. या परीक्षेत निगेटिव्ह मार्किंग पद्धत अवलंबण्यात येणार आहे.

Author: admin

Leave a Reply

Your email address will not be published. Required fields are marked *